«ستالتسينك» كومپانياسى – جول جانە كوپىر قورشاۋلارىن ءوندىرۋ سالاسىندا جەتەكشى ورىن الاتىن كاسىپورىنداردىڭ ءبىرى. ول سونداي-اق مەتالل كونسترۋكتسيالاردى ىستىق مىرىشتاۋ بويىنشا دا قازاقستاندا كوشباسشى سانالادى.
ءماجىلىس دەپۋتاتى وڭدەۋ ونەركاسىبى ەلىمىزدىڭ ارتاراپتاندىرىلعان ەكونوميكاسىنىڭ نەگىزى بولا الاتىنىن اتاپ ءوتتى.
پەتروپاۆلدا جاڭا ءوندىرىس ىسكە قوسىلدى
– بىلتىر مەملەكەت باسشىسى ءوز جولداۋىندا وڭدەۋ ونەركاسىبىنىڭ دامۋىنا جاڭا سەرپىن بەرەتىن ۋاقىت كەلگەنىن اتاپ ءوتتى. زاڭ شىعارۋشى رەتىندەگى ءبىزدىڭ مىندەتىمىز – جەرگىلىكتى جەرلەردەگى جاعدايدى كورۋ, كاسىپكەرلەرگە قۇلاق ءتۇرۋ, بيزنەستىڭ دامۋىنا قانداي پروبلەمالار كەدەرگى كەلتىرەتىنىن ءتۇسىنۋ, سونداي-اق سالانى قولداۋدىڭ ناقتى شارالارىن ىسكە اسىرۋ كەزىندە مەملەكەتتىڭ جۇمىسىن ۇيلەستىرۋ, – دەپ اتاپ ءوتتى ماگەررام ماگەرراموۆ.
كەزدەسۋ بارىسىندا ونەركاسىپتەگى قاۋىپسىزدىك, سالىقتى رەتتەۋ جانە وتاندىق تاۋار وندىرۋشىلەردى مەملەكەتتىك قولداۋ شارالارىن كۇشەيتۋ ماسەلەلەرىنە ەرەكشە نازار اۋدارىلدى. سونداي-اق, ءونىمدى ساتۋ, وتاندىق وندىرۋشىلەردىڭ ءىرى ونەركاسىپتىك جانە ينفراقۇرىلىمدىق جوبالارعا قاتىسۋى, قازاقستاندىق تاۋار وندىرۋشىلەردىڭ ءتىزىلىمىن جۇرگىزۋ, ۇلتتىق جوبالارداعى قازاقستاندىق قامتۋ ۇلەسى, وڭدەۋ ونەركاسىبىندە تسيفرلىق شەشىمدەردى ەنگىزۋ, سونداي-اق قاۋىپسىزدىك تالاپتارى مەن تەحنيكالىق رەگلامەنتتەرگە سايكەس كەلمەيتىن ونىمدەردىڭ الدىن الۋ جونىندەگى شارالاردى كۇشەيتۋ ماسەلەلەرى تالقىلاندى.
وڭىرگە دەم بەرگەن ءوندىرىس: تۇركىستان قالاي تۇلەپ جاتىر؟
ءماجىلىس دەپۋتاتى تولىق تسيكلدى وتاندىق تاۋار وندىرۋشىلەر سانىن كوبەيتۋدىڭ ماڭىزدىلىعىن اتاپ ءوتتى.
سونداي-اق, ماگەررام ماگەرراموۆ «قازاقستان حالىق پارتياسى» فراكتسياسى بىلتىر وڭدەۋ ونەركاسىبى سالاسىندا جۇمىس ىستەيتىن كاسىپكەرلەرمەن بىرنەشە كەزدەسۋ ۇيىمداستىرعانىن اتاپ ءوتتى. ونىڭ ايتۋىنشا, بيزنەسپەن ءوزارا ديالوگتىڭ مۇنداي تاجىريبەسى بيىل دا جالعاساتىن بولادى.
